2026-yil 1-fevraldan Yagona ijtimoiy reestr joriy etiladi. O‘zbekiston Respublikasi Prezidentining 2025-yil 26-dekabrdagi PF-258-son Farmoniga muvofiq, 2026-yil 1-fevraldan boshlab mamlakatda Yagona ijtimoiy reestr joriy etiladi. Yangi reestr quyidagi tizimlar negizida shakllantiriladi: “Ijtimoiy himoya yagona reestri”; “Kam ta’minlangan oilalar reestri”.Mazkur hujjat oilalarni ijtimoiy qo‘llab-quvvatlash tizimida yagona tartib asosida hisobga olish va toifalash mezonlarini belgilaydi. Yagona ijtimoiy reestrga kiritiladigan oilalar toifalari:Davlat ta’minotidagi oila.

Quyidagi mezonlarga javob beradigan oilalar ushbu toifaga kiritiladi: oila a’zolari mehnatga layoqatsiz yoki mehnat qilish imkoniyati cheklangan; har bir oila a’zosiga to‘g‘ri keladigan o‘rtacha daromad minimal iste’mol xarajatlaridan past. Kam ta’minlangan oila: Ushbu toifaga quyidagilar kiradi: oila a’zolari mehnatga layoqatli yoki mehnat qilish imkoniyatiga ega; har bir oila a’zosiga to‘g‘ri keladigan o‘rtacha daromad minimal iste’mol xarajatlaridan past. Kambag‘allik chegarasidagi oila. Quyidagi mezonga javob beradigan oilalar ushbu toifaga kiritiladi: har bir oila a’zosiga to‘g‘ri keladigan o‘rtacha daromad minimal iste’mol xarajatlarining 1 baravaridan 1,5 baravarigacha.

Shuningdek, quyidagilar ham mazkur toifaga kiritilishi mumkin: avval “davlat ta’minotidagi oila” yoki “kam ta’minlangan oila” toifalaridan chiqarilgan oilalar; mahalla tavsiyasi asosida og‘ir hayotiy vaziyatga tushgan deb topilgan oilalar. Oilani toifalash tartibi. Oilani tegishli toifaga kiritish quyidagilarga asoslanadi:rasmiy daromad ma’lumotlari;oila a’zolarining mehnatga layoqati;davlat axborot tizimlaridagi ma’lumotlar;zarur hollarda mahalla organlarining xulosasi.Yagona ijtimoiy reestr ijtimoiy yordamni tayinlashda yagona mezonlar asosida qaror qabul qilish imkonini yaratadi